Saturday, 3 June 2017

বৰষুণৰ বতৰত গীত বুলি লিখি চাইছিলো ৷ হ'ল নে নহ'ল জানো -

অ' ৰিম ঝিম বৰষুণ
শুনচোন শুনচোন
নবজাবি বুকুত স্মৃতিৰ
নেপুৰৰ ৰুণজুন ৷
মুখল ধাৰ বৰষুণত
পিতায়ে দেখিছিল
সেউজী সপোন
উৰুখা পঁজাত তোৰ
দানৱী নাচোন
উৰুখনি নহয় যেন
দাৰিদ্ৰতাৰ চকুপানী
তাৰ তলতে ৰচোঁ
আমি ৰ'দৰ ৰঙীণ সপোন ৷৷
বৰষুণ, বৰষুণ
তই শুনচোন
কলৰ পাতত তোৰ টুপ টুপ গুণ গুণ
মোৰ বুকুত নামে
বিষাদৰ বেঙেনাবুলিয়া
নিৰাশাৰ হুমুনিয়াহ
নোপোৱাৰ ভগ্ন সপোন ৷
বাটচাওঁ মই ডাৱৰৰ মুখৰ চোকা সেই
ৰ'দ জাকলৈ
যি পোহৰ নমাব
শুকুৱাব চকুলোৰ বান
জীৱন বীণাত বাজি উঠিব
প্ৰেৰণাৰ সুমধুৰ টান ৷৷
- বিনয় ৩ জুন ২০১৭

No comments:

Post a Comment