তুমি কুশলে থাকিলেই মই জী থাকিম ৷৷
কাৰ বাবে জীৱনৰ গান
কোনে শুনিব তাৰ সুৱদী টান?
কাৰ ওচৰত মোৰ যত মান- অভিমান?
তোমাৰ পৰাইচোন আৰম্ভ
তোমাতেই শেষ
তোমাৰ কোলাতে মূৰ থৈ
পাহৰিম এদিন জীৱনৰ যত ক্লেশ ৷
কাৰ বাবে এই আয়োজন
কাৰ বাবে জীৱনৰ যুঁজ
নাথাকেতো সময় বালিত
সৰু সৰু মানুহৰ খোজ ৷
চক্ৰৱৎ যাত্ৰা মোৰ দূৰ-সুদূৰ
ঘূৰি ঘূৰি আহি পুনু তোমাতেই শেষ ৷
তুমি উজুটি খোৱা শংকাৰ শিলত
তুমি জুৰুলি জুপুৰি হোৱা দুখৰ বৰষুণত
দেই-পুৰি যোৱা অপ্ৰাপ্তিৰ দাবানলত
মোৰ বুকুত জ্বলে বেদনাৰ জুই দপ্ দপ্
কথাবোৰ ভাবি আনমনা হোৱা
দবোৱা কটাৰিয়ে আঙুলি কাটে
কথাবোৰ ভাবি আনমনা হোৱা
জীৱনৰ তাঁতৰ সূতা চিগে ৷
তুমিতো নুবুজা হৃদয় গলে কি তাপত ৷
উশাহ কাতৰ হয়
দুপৰ নিশা দূৰৈৰ নিয়তি চৰাইৰ মাতত ৷
তথাপিও সপোন দেখোঁ -
পুৱতিতে সাৰ পাম
জীৱনৰ গান গাম দ্বৈত স্বৰত ৷
কথা দিয়া হেৰা
কুশলে থাকিম বুলি
উশাহ ল'ম বুকু খোলি
থপিয়াই আনিম ৰঙা বেলি
কথা দিয়া -
হুমুনিয়াহ বোৰ দলিয়াই দিম ৷
তুমি কুশলে থাকিলেই মই জী থাকিম ৷৷
- বিকৃতাফু ২১ মাৰ্চ ১৮
কাৰ বাবে জীৱনৰ গান
কোনে শুনিব তাৰ সুৱদী টান?
কাৰ ওচৰত মোৰ যত মান- অভিমান?
তোমাৰ পৰাইচোন আৰম্ভ
তোমাতেই শেষ
তোমাৰ কোলাতে মূৰ থৈ
পাহৰিম এদিন জীৱনৰ যত ক্লেশ ৷
কাৰ বাবে এই আয়োজন
কাৰ বাবে জীৱনৰ যুঁজ
নাথাকেতো সময় বালিত
সৰু সৰু মানুহৰ খোজ ৷
চক্ৰৱৎ যাত্ৰা মোৰ দূৰ-সুদূৰ
ঘূৰি ঘূৰি আহি পুনু তোমাতেই শেষ ৷
তুমি উজুটি খোৱা শংকাৰ শিলত
তুমি জুৰুলি জুপুৰি হোৱা দুখৰ বৰষুণত
দেই-পুৰি যোৱা অপ্ৰাপ্তিৰ দাবানলত
মোৰ বুকুত জ্বলে বেদনাৰ জুই দপ্ দপ্
কথাবোৰ ভাবি আনমনা হোৱা
দবোৱা কটাৰিয়ে আঙুলি কাটে
কথাবোৰ ভাবি আনমনা হোৱা
জীৱনৰ তাঁতৰ সূতা চিগে ৷
তুমিতো নুবুজা হৃদয় গলে কি তাপত ৷
উশাহ কাতৰ হয়
দুপৰ নিশা দূৰৈৰ নিয়তি চৰাইৰ মাতত ৷
তথাপিও সপোন দেখোঁ -
পুৱতিতে সাৰ পাম
জীৱনৰ গান গাম দ্বৈত স্বৰত ৷
কথা দিয়া হেৰা
কুশলে থাকিম বুলি
উশাহ ল'ম বুকু খোলি
থপিয়াই আনিম ৰঙা বেলি
কথা দিয়া -
হুমুনিয়াহ বোৰ দলিয়াই দিম ৷
তুমি কুশলে থাকিলেই মই জী থাকিম ৷৷
- বিকৃতাফু ২১ মাৰ্চ ১৮
Comments
Post a Comment