তিনিটা স্তৱক

১৷৷
উকিয়াই উকিয়াই ৰৈ যায়
বুকুৰ ৰেল গাড়ী
শেষটো ষ্টেচনত ৷
কবি আগবাঢ়ে পথৰুৱা বাটেৰে
এখন হেৰুৱা হৃদয়ৰ সন্ধানত ৷৷
২৷৷
মাজনিশাৰ এন্ধাৰ জুপুৰিত
পোহৰ পোহৰ হৃদয়
স্মৃতিৰ চাকিৰ এলান্ধুৰে ক'লা হয় ৷
নঙলা মুখত কবি থমকি ৰয়
নিশাটোৰ শেষত জানোচা এলান্ধু কলিয়া হৃদয়ে
যাচে এপিয়লা প্ৰেমৰ চাহ
নেদেখা সপোনটোৰ কথা কয় ৷

৩৷৷

কান্ধত ওলোমাই দুখৰ জোলোঙা
আৰু অৱশ ভৰিত বন্ধা পানী জলঙা ৷
কবি গৈয়েই থাকে বিশ্বাসৰ জোনাকী বাটেৰে
আশংকাৰ পাহাৰটোৰ পাৰ হ'লেই হেনো পাই

প্ৰেমৰ চেৰিফুল এডৰা

দ' কৈ উশাহ টানি খৰ খোজে আগবাঢ়ে
মনটো হে তাৰ উৰুঙা উৰুঙা ৷৷
-বিকৃতাফু ২১ জানুৱাৰী ১৮