লুণীয়া ঢল
কাৰণৰ কথা নুসুধিবা ৷
কাৰণ অথবা অকাৰণ
আনন্দ অথবা বিষাদ নুবুলিবা
যিকোনো কাৰণত
অকাৰণত
বৈ আহিব পাৰে
লুণীয়া পানীৰ নিজৰা
ভাঙি চিঙি লৈ যাব পাৰে
বুকুৰ ভেটা
পেলাই থৈ যাব পাৰে
বৰফুটীয়া বালি -
সপোনৰ সম্ভাৱনাময় পথাৰত ৷
আবেগ নুবুলিবা
কা-পুৰুষ নুবুলিবা
ই যে জন্মজ ৷
কান্দোনৰ শিঙা ফুঁকিয়েইতো
আৰম্ভ কৰিছিলো জীৱনৰ যুদ্ধ ৷
জীনিলো আইৰ মন
সেয়ে কান্দোনেই মূল ধন
মলিয়ন হৃদয় খন
পখালিবলৈ
দুখৰ শেলুৱৈ অথবা বিহমেটেকাবোৰ উটুৱাই নিবলৈ
আহক দিয়া
লুণীয়া ঢল ৷
- বিনয় ১১ জানুৱাৰী ১৮
Comments
Post a Comment