Friday, 23 December 2016

Budha Dav ( বুদ্ধদেৱ)

বুদ্ধদেৱ

গৈছিল নে বুদ্ধ
মোক্ষ বিচাৰি নিজান ৰাতি
শেতেলীত এৰি থৈ
মনোৰমা পত্নীক?
ভাবিছিল নে বহি ৰ'ব
বুদ্ধিদ্ৰোমৰ তলত?
পাৰিছিল নে সঁচাকৈ
বিসৰ্জিৱ সন্তানৰ স্নেহ?
নে
অতিষ্ঠ হৈ উঠিছিল বুদ্ধদেৱ?
পত্নীৰ একঘেমীয়া অজুহাত
খিং খিঙীয়া কৰ্কষ মাত
আৰু গতানুগতিক
জীৱন এটা যাপন কৰি
আমনি লগাত
পালাইছিল নেকি বুদ্ধ
জীৱনৰ পৰা!!!?
বুদ্ধ দেৱৰ পত্নীয়ে বাৰু
বকলা মেলিছিল নেকি
যেতিয়া বজাৰৰ পৰা
খালি মোনা লৈ ওভটিছিল বুদ্ধ?
কাজিয়া লাগি গুচি গৈছিল নেকি
মাকৰ ঘৰলৈ?
নে সন্দেহ কৰিছিল বুদ্ধক
পৰকীয়া প্ৰেমৰ বাবে ৷
বিৰহ আৰু অৰ্ন্তদণ্ডত
তেওঁ ওলাই যোৱা নাছিলতো
গভীৰ নিশা
হাত সাৰে, ভৰিত সাৰে ৷
কোনো দিন পত্নীৰ অহংকাৰী মুখখন
নাচাও বুলি
বহি লোৱা নাছিলতো
বট বৃক্ষৰ তলত?
হেৰি
আজিৰ স্বামী সকলক সুধিছো
আপোনাৰো বাৰু
বুদ্ধদেৱ হোৱাৰ বাসনা এটা
উজায় আহে নে কেতিয়াবা??
( লাফিং বুদ্ধৰ পিঠিৰ টোপোলাটোত
কি থাকে বাৰু?
দুখ নহয়তু?
দুখবোৰ ঢাকি হাঁহি থাকে নেকি
লাফিং বুদ্ধই ??)

No comments:

Post a Comment