Udar Axomiya ( উদাৰ অসমীয়া)

আকৌ এবাৰ প্ৰেমত পৰিছো মইঃ

ভুল কৰিছে আপুনি
ভাবিছে মই নষ্ট চৰিত্ৰৰ মানুহ ৷
বুঢ়া বয়সত প্ৰেম!!?

না ৰে বাবা না
এই যে নতুন বছৰৰ,
জন্ম দিনৰ শুভকামনা বোৰ
এইবোৰে মোলৈ কঢ়িয়াই আনে আতংকৰ
জীৱনৰ ঘড়ীটোৰ পৰা
খহিপৰা প্ৰতিটো প'লে জানো
মোক স্বাগতম জনোৱা নাই মৃত্যুলৈ? ?

পাৰ হৈ যোৱা প্ৰতিটো বছৰ
প্ৰতিটো জন্মদিনে জানো
চুটি কৰি অনা নাই
মোৰ হৃদ স্পন্দৰ আয়ু?

হে সময়
ৰৈ যা চোন এবাৰ
মই যে আকৌ প্ৰেমত পৰিছো
জীৱনৰ ৷
    - বিনয়

26/12/2016