Rainy Night (ৰাতি বৰষুণত ,)
আজি গোটেই ৰাতি বৰষুণ দিব
সৰিয়হ সৰুওৱা বৰষুণ ৷
নিতাল মাৰি শুৱ জোন
ডাৱৰৰ আঁৰত ৷
বৰষুণে আন্ধাৰতে দিব চুমা পলাশ পাতত
ৰাতি সাৰে থাকিব নিয়তি চৰাইৰ মাতত ৷
নিদ্ৰাহীনতাত ভোগা কোনোবা কবিয়ে
নিজানে বেজাৰে বিচাৰি ফুৰিব শব্দ
বৰষুণীয়া ৰাতি
উইচিৰিঙাৰ মাতত
পাখী ভগা জোনাকী জাক ৰ'ব
ঢল ফাটলৈ পোনাবলৈ পাখী
ৰ'দৰ তাপত ৷
কবি টোপনি যাব বোৱাৰী পুৱা
বাঢ়নীৰ মাতত
দিবা স্বপ্ন এটা বুকুত বান্ধি
জোনাকী ৰ'দৰ ৷৷
Comments
Post a Comment