বিষাদৰ শেষত
বিলম্বিত লয়ৰ বিষাদ গীত এটি
কঁপি কঁপি বাজে মনৰ চেটাৰত ৷
মুকুতাৰ মালা যেন
নিতুল শব্দচয়নৰ কাৰুণ্যতা ভৰা গীত ৷
হৃদয় তানপুৰাৰ খোলাটো ভাগিল
কাহানিবাই
বাঁহীটো উটি গ'ল তেজৰ সোঁতত
বজাবহি কোনে প্ৰেমৰ মেহফিলত
ৰূপক তালৰ গীত? ?
ভগা তানৰপুৰাৰ খোলাত মেলিছে
হেঁপাহৰ হাস্নাহানাৰ পোখা
বিয়পাব এদিন প্ৰেমগন্ধী ৰেণু
মোৰ বুকুৰ চুবুৰীত ৷৷
শিল্পী দিৱসৰ দিনা২০১৭
Comments
Post a Comment