টান
মধ্যাকৰ্ষণ
মহাকৰ্ষণ
আকৰ্ষণ???
জীয়াই থাকে জীৱন
হৃদয়ৰ আকৰ্ষণত
মধ্যকৰ্ষণৰ বাবেই
যিদৰে পৃথিৱীয়ে সাৱটি আছে সকলো
মহাকৰ্ষণৰ বাবে ওপঙি আছে ব্ৰহ্মাণ্ডত
গ্ৰহ-নক্ষত্ৰ, অনন্ত কৌটি ব্ৰহ্মাণ্ডৰ
অগনন তৰা
হৃদয়ৰ টান আছে বাবেই আমি মানুহ
হৃদয়ে টানিব খোজে হৃদয়ক
তথাপি বিচ্চিন্ন হয়
দ্বীপ হয় মানুহ
একেই থাকে
মধ্যাকৰ্ষণ,
মহাকৰ্ষণ
মাথো শেষ হয়
মানুহৰ আকৰ্ষণ
বিকৰ্ষণৰ বানে ধোৱা হৃদয়ত
পৰে ঘৃণাৰ পলস
গজি উঠে
হিংসাৰ চূড়াতৰ পুলি
প্ৰতি হিংসাৰ কেকটাচ গজে
শুকান বালিত ৷
তথাপি জীৱন জীয়াই থাকে
হৃদয়ত টান থাকে
নতুন হৃদয়ৰ সন্ধানত ৷
Comments
Post a Comment