উদ্বাস্তু মনৰ মৰুভূত
এজাক বৰষুণ হৈ সৰিছিল তাই
এজাক জীপাল বৰষুণ ৷
ঠিকনা হ'ব খোজিছিল তাৰ
অঘৰী মনৰ ৷
পোখা মেলিছিল মৰুদ্যানৰ শুকান মাটিত
এটি অচিনাকী পুলিৰ
কেকটাচ হৈ ফুলিছে এতিয়া
হালধীয়া কেকটাচৰ ফুল ৷৷
তাই সৰিছিল আশাৰ বৰষুণ হৈ
ৰিম ঝিম বৰষুণ
গজাবলৈ সেউজীয়া
বুকুৰ পথাৰত
কলিয়া ডাৱৰ বোৰে হিংসা কৰিছিল
ৰিম ঝিম বৰষুণ জাক হৈ পৰিছিল
বিধ্বসী বৰদৈচিলা
হিংসুক গাজনীত ৷৷
উদ্বাস্তু মনৰ ঠিকনা হ'ব খোজা
তাই জনীৰ ঠিকনাটোকে হেৰুৱাই পেলালে সি
চিৰাল ফাট দিয়া
অনুভূতিৰ পথাৰ খনত
কোনে সিঁছিবহি প্ৰেমৰ বীজ?
Comments
Post a Comment